İsrail Müdafiə Qüvvələri Qəzza zolağında HƏMAS terror təşkilatının hədəflərinə irimiqyaslı hücumlar həyata keçirməyə davam edir. İsrailin bu gecə keçirdiyi hava hücumu nəticəsində 7 oktyabr hücumu zamanı terrorçulara rəhbərlik edən Həmas aviasiya xidmətinin rəhbəri Merad Əbu Merad da daxil olmaqla, onlarla fələstinli yaraqlı məhv edilib.


Sfera.az bildirir ki, bu barədə İDF-nin mətbuat xidməti məlumat yayıb.İsrail ordusu Qəzza zolağının fəal şəkildə bombalanmasını davam etdirir. İndiyə qədər 1900 nəfərin öldüyü məlumdur.
 

İsrail Müdafiə Qüvvələri hava hücumu zamanı HƏMAS-ın onlarla terror obyektini, eləcə də ötən şənbə günü İsrail ərazisinə hücumu həyata keçirmiş elit Fələstin birliyi olan “Nuxba” təşkilatının yaraqlılarını məhv edib. Bundan əlavə, bu gün hücumun liderlərindən biri olan Merad Əbu Merad Qəzzada öldürülüb.
 

Eyni zamanda, irimiqyaslı hava zərbələri nəticəsində Qəzza zolağının sakinləri arasında itkilərin sayı artır. “The Times of Israel” qəzetinin dərc etdiyi Fələstin Səhiyyə Nazirliyinin məlumatına görə, oktyabrın 7-də Qəzza zolağında hərbi əməliyyatlar başlayandan bəri İsrailin zərbələri nəticəsində 1900 fələstinli ölüb, daha 7696 nəfər yaralanıb. Ölənlər arasında 614 uşaq və 370 qadın var.
 

Eyni zamanda, İsrail tərəfi İsrail qüvvələrinin İsrail ərazisində 1500-ə yaxın fələstinli terrorçunu məhv etdiyini bildirib.
 

Eyni zamanda qeyd olunur ki, israillilərin Qəzza zolağının cənubunda sığınacaq tapmağa çağırışlarına baxmayaraq, hələ də bütün zolaqda partlayış səsləri eşidilir.


Xatırladaq ki, oktyabrın 13-də İsrail tərəfi Qəzza zolağının cənub hissəsinə təxliyə çağırışları ilə bağlı vərəqələr paylamağa başlayıb. Bununla belə, BMT Qüdsün bu cür addımlarını tənqid edib - təşkilat qeyd edib ki, bir milyondan çox insanın didərgin düşməsi "dağıdıcı humanitar nəticələrə" gətirib çıxaracaq.

Aynil
Sfera.az