Xəbər verdiyimiz kimi, Səudiyyə Ərəbistanının “Əl-Nasr” futbol klubunun portuqaliyalı hücumçusu Kriştiano Ronaldo İran qanunlarını pozduğuna görə 99 şallaq cəzası ilə üzləşib.

 
Sfera.az xarici KİV-ə istinadən xəbər verir ki, buna səbəb Ronaldonun İranda onun portretini çəkən rəssam qızı qucaqlayaraq öpməsi olub. 

 
Bir çox iranlı hüquqşünas Ronaldodan "qucaqlaşdığına və qızı öpdüyünə" görə şikayət edib. Çünki İran qanunlarında subay qadına toxunmağın cəzasının zina ilə bərabər olduğu və 99 şallaq zərbəsi tələb olunduğu qeyd olunub.

Ronaldo peşman olduğunu bildirsə və bir daha bunu etməyəcəyinə and içsə, 99 şallaq cəzası bağışlanacaq.

Firuzə Əliyeva