Maykl Ceksonun reklam çarxında geyindiyi ikonik gödəkçəsi noyabrda Londonda hərraca çıxarılacaq.

Sfera.az xəbər verir ki, Ceksonun 1984-cü il reklam filmi üçün xüsusi olaraq istehsal edilən qara-ağ dəri gödəkçə “Propstore” tərəfindən satılacaq.

Gödəkçənin ən az 245 min dollara alıcı tapacağı gözlənilir.

Hərraca çıxarılanlar arasında Corc Maykl, Emi Vaynhaus, Devid Bovi, Elvis Presli, Anqus Yanq, Con Lennon və Bitlis qrupuna məxsus əşyalar da var.

“Bu eksklüziv parçaların bir çoxu ilk dəfədir ki, ictimaiyyətə satışa təqdim olunur”,-  “Propstore”un musiqi və poster direktoru Mark Hoçmən bildirib.

Maykl Ceksona məxsus xatirə əşyaları əvvəllər də minlərlə dollara satılıb.

Firuzə Əliyeva