Bianca Censori italyan qohumlarını saymır
İtalyan kökləri olan reper Kanye Uestin həyat yoldaşı Bianca Censori bu ölkədəki qalmaqallı tətili zamanı bir dəfə də olsun qohumlarının yanına getməyib.
Sfera.az bildirir ki, mediaya danışan Biancanın Giulianovada yaşayan əmisi oğlu Fabiola Censori cütlüyün çox şey əldə etdiyini bildirib. Eyni zamanda o, ailə bağlarının praktiki olaraq kəsildiyindən şikayətlənib.
"Uzun illərdir ki, Biancanın ailəsindən heç birini burada görmürük. Əmim uşaqlarının ən böyüyü bir müddət əvvəl İtaliyaya gəlmişdi, uzun illərdir gəlmirdi. Bianca ilə heç vaxt tanış olmamışam, amma bunu etmək istərdim. İtaliyada tətildə olanda bizə baş çəkmədi. Biz ona atasının, bacı-qardaşlarının və nənə-babasının harada böyüdüyünü göstərə bilərdik. Atası buraya illər əvvəl gəlmişdi. Biz bütün ailə ilə gözəl bir axşam keçirdik və onu görmək çox gözəl idi. Bianca və Kanyeyə gəlincə, heç bir şərh vermək istəmirəm. Biz bir az diqqətdən kənarda qaldığımızı hiss edirik" - deyə Fabiola bildirib.
Özünü sadəcə Andrea adlandırmağı xahiş edən başqa bir qohum əlavə edib:
"Mən Bianca ilə heç vaxt görüşməmişəm, amma ümid edirəm ki, o, növbəti dəfə İtaliyada olanda gəlib bizə baş çəkəcək. Mən onun haqqında hər şeyi başqa qohumlarından eşitmişəm; o, çox şən görünür. Onunla bir axşam keçirməyi düşünürəm və Kanye də çox maraqlı olacaq”.
Bianca Censori anası və bacıları ilə
Biancanın babası Filippo və Qrasiya Censori 1960-cı ildə beş uşağı ilə Giulianovadan mühacirət ediblər.
Biancanın beş yaşlı böyük əmisi Gianfranco qızılcadan öldüyü zaman ailə faciəni unutmaq üçün bir neçə il sonra yeni həyat axtarışına çıxıb.
Onlar Bonegilla kəndində məskunlaşıblar.
Biancanın atası və əmisi kriminal aləmdə məşhurdur. Bu, Uestlə evləndikdən sonra məlum olub və onlar diqqət mərkəzinə çevrilib.
İki aydan çox İtaliyada qaldıqları müddətdə cütlük özlərini xeyli rüsvay etməyə və yerli sakinləri qəzəbləndirməyə nail olublar. Biancanın mühafizəkar şəhərlərin küçələrində çox açıq-saçıq geyimlərdə görünməsi italyanları laqeyd qoya bilməzdi. Onlar səlahiyyətlilərdən yaraşmayan görünüşünə görə cütlüyün ccəzalandırılmasını tələb ediblər.
Cütlüyün Venesiyada bir əyləncə gəmisində sevişmələri isə qığılcımı daha da alovlandırıb. Qayıq şirkəti musiqiçini qara siyahıya salıb və artıq hadisə ilə bağlı araşdırmalara başlayıb.
Aynil
Sfera.az
