Azərbaycanda nə qədər kompüter var?

2023-cü ilin əvvəlinə aid olan məlumata əsasən, Azərbaycanda 1 milyon 670 min kompüter var.

 
Sfera.az xəbər verir ki, kompüterlərin çox hissəsini noutbuklar (portativ kompüter) təşkil edir. 

Noutbukların sayı 797 mini ötüb. Kompüterlərin növlərinə görə ikinci sırada planşet və ya digər oxşar avadanlıqlar gəlir. Planşetlərin və digər avadanlıqların sayı 466 mindir. 

Ölkəmizdə stolüstü kompüterlərin sayı isə 406 mindir. Ölkəmizdə kompüterlərlə təchizat səviyyəsi Bakı, Naxçıvan və Abşeronda daha yüksəkdir. 

Hər 100 ev üzrə Bakıda 98, Naxçıvanda 97, Abşeron regionunda 97 kompüter var. Ən az kompüter isə Qarabağ regionundadır. Burada hər 100 evə 49 kompüter düşür.

Vasif