Britaniyalı məktəbli qızlar dünyanın necə olacağını 100 il əvvəl proqnozlaşdırıblar - FOTO
1923-cü ildə London məktəblilərinin 100 ildən sonra həyatın necə olacağı ilə bağlı dəqiq proqnozları təsirli və hətta bir az qorxuludur.
Sfera.az bildirir ki, bu barədə X-də (Twitter) 1923 Live hesabında məlumat verilib.
1923-cü ildən bəri dünya çox dəyişib və bir çox köhnə normalar məhv edilib. İndiki vaxtda belə dəyişikliklərə inanmaq asandır, amma 100 il əvvəl belə şeyləri proqnozlaşdırmaq mümkünsüz görünürdü. Ancaq bunun öhdəsindən gələ bilən balaca qızcığızlar olub.
1923-cü ildə müxbir kimi görünən viral tvitçi köhnə bir qəzet kəsimi paylaşıb. O, Londondakı “Wood Green” İbtidai Məktəbində oxuyan qızların fikirlərini, eləcə də bəzi mənalarda gerçəkləşən bəzi təəccüblü proqnozları qeyd edib.
Mənşəyi məlum olmayan məqaləyə görə, qızlardan “100 ildən sonra hər şeyin necə olacağı haqqında esse yazmaq istənilib”. Essedən çıxan cümlələr:
"Qadınlar şalvar geyinəcək. Evdar qadınlar tennis oynayacaq, kişilər isə evdə uşaqları ilə qalacaqlar. Müəllimləri axmaq uşaqlar narahat etməyəcək. Çünki hər uşaq əlifbanı bilib, otuz, hətta yüzə qədər sayacaq. Qadınlar mümkün qədər erkək kimi olacaqlar” şəklində olub.
Mənşəyi bilinməyən qəzet məqaləsi
Yazılı mətn köhnə görünür, lakin müxtəlif proqnozlardakı bəzi həqiqətləri asanlıqla aşkar etmək olar. Həmin kəsim çap olunduqdan sonra 100 il ərzində köhnə gender normaları müəyyən dərəcədə aşınıb, indi kişilər işə, qadınlara isə evdə uşaqlara daha az diqqət yetirir.
Nəşr qeyd edir ki, Böyük Britaniyada təhsil standartı xeyli yaxşılaşıb. Siniflərdə nadinc uşaqların olmasına baxmayaraq, əksər uşaqlar minimum hesablama səviyyəsinə nail ola bilirlər.
Sosial şəbəkə istifadəçiləri də 100 il ərzində baş verən dəyişikliklərin düzgünlüyünü şərh etməkdən yayınmayıblar.
İstifadəçilərdən biri yazıb: “Mən ilk dəfədir ki, 100 il öncədən proqnozların hətta uzaqdan belə reallığa daha uyğun olduğunu görürəm”.
Aysel
Sfera.az
