HƏMAS-ın İsrail-Fələstin sərhədi yaxınlığında keçirilən festivalda həyata keçirdiyi hücumda yüzlərlə insan həyatını itirib. Hücumdan sağ çıxan qadın başına gələnləri mediaya danışıb.
 

Sfera.az bildirir ki, HƏMAS-ın ərazidən qaçanları güllələdiyini deyən Gili Yoskoviç adlı qadın:

“Bir ağacın yanına getdim və özümü ölü kimi göstərdim” deyib.
 

HƏMAS-ın İsrailə qarşı həyata keçirdiyi “Əqsa tufanı” hücumunda 350 nəfər həyatını itirib. İsrail-Fələstin sərhədində hücumunun görüntüləri festivala qatılan insanlar tərəfindən lentə alınıb.


HƏMAS-ın paramotorla İsrailə hücum etdiyi anlar Musiqi Festivalında əylənən insanların kamerasına düşüb.
 

Festival üçün İsrailə gedən alman vətəndaşı Şani Lukun yük maşınında sürülməsi görüntüləri qan dondurmuşdu.

Festival ərazisində sağ qalan Gili Yoskoviç adlı qadın hücum zamanı baş verənlərdən danışıb.
 

Mediadamyer alan məlumata görə, Yoskoviç “Həmas rəqs festivalına basqın edərək atəş açmağa başlayıb. Qaçaraq qurtulmağa çalışanları güllələyirdilər. Mən bir ağacın yanına getdim və özümü ölü kimi göstərdim" deyib.

Qəzza zolağına yaxın bir bölgədə keçirilən rəqs festivalında çox sayda iştirakçının öldüyü bildirilərkən, Yoskoviç “İbranicə danışan insanların olduğunu eşidəndə dərhal ayağa qalxdım və onların yanına getdim. Başa düşdüm ki, onlar əsgərdir"-deyə bildirib.


Saatlarla köməksiz vəziyyətdə qalan gənc qadın “Həmin vaxt uşaqlarımı düşündüm. Ətrafımdakı insanlar ölürdü və ortalıq çox sakit idi. Heç ağlaya belə bilmədim. Sadəcə gözlərimi yumdum və çox yavaş-yavaş nəfəs aldım" - deyə bildirib.

Xanım

Sfera.az