İsraildə musiqi festivalında əsir düşən və HƏMAS yaraqlıları tərəfindən zorakılığa məruz qalan Şani Look sağdır.
 

Sfera.az bildirir ki, bu barədə Almaniyanın “Wild” nəşrinə qızın anası məlumat verib.
 

Qızın ailəsi onun Qəzza zolağında xəstəxanaya yerləşdirilməsi xəbərini alıb. Şaninin anası:
 

“İndi bizdə Şaninin sağ olduğuna dair sübutlarımız var, lakin ciddi kəllə-beyin travması alıb və vəziyyəti ağırdır. Hər dəqiqə önəmlidir" - deyə bildirib.
 

Qadın əlavə edir ki, qızının qolları və ayaqları sınıb və təxliyə lazımdır.
 

Həmas hücumu zamanı Şani festival yerindən mobil telefonu ilə ailəsinə zəng edib. Anası Rikarda Luk: "Yaxınlıqda sığınacaq varmı?-deyə soruşduqda atışma səsləri eşidilib. Qızı ruhdan düşmüş halda bomba sığınacağı tapacağına söz verib, bundan sonra əlaqə kəsilib.
 

Sonradan müəyyən edildiyi kimi, Şani Luk festivalda birlikdə olduğu sevgilisi və digər dörd dostu ilə birlikdə dayanacağa tərəf qaçıb, iki maşınla getmək istəyiblər.

Gənclər bir-birini gözdən itiriblər. Onların dostları kolluqlarda gizlənib,Şani və sevgilisi isə yoxa çıxıblar.
 

Qeyd edək ki, HƏMAS yaraqlılarının pikap maşınının arxasında huşunu itirmiş, ayaqları sınıq və qan içində olan bir qızı daşıyan video görüntüləri bütün dünyaya yayılıb.
 

Rəssam olan və HƏMAS-ın hücumu zamanı İsrailin cənubundakı musiqi festivalında olan qızını döymələrindən tanıyan Almaniya sakinləri görüb. Musiqi festivalı terror qruplaşmasının ilk hədəflərindən birinə çevrilib. İnternetdə yayılan məlumatlara görə, onlarla insan yerindəcə ölüb, bir çoxu isə əsir götürülüb.
 

Xatırladaq ki, əsir götürülən onlarla israilli Qəzza zolağına gətirilib, onlardan bəziləri artıq ölmüş ola bilər. Döyüşlərdə bəzi İsrail əsgərləri həlak olub.

Aynil
Sfera.az