“WhatsApp” “gizli kod” funksiyasını sınaqdan keçirir.

Sfera.az xarici KİV-ə istinadən xəbər verir ki,“WhatsApp” istifadəçilərə qorunan söhbət qovluqları üçün xüsusi parol təyin etməyə imkan verəcək funksiyanı təqdim etməyə hazırlaşır. Bildirilib ki, bu funksiya söhbətlərin təhlükəsizliyini artırmaq üçün nəzərdə tutulub.

Bundan əlavə, istifadəçilər kilidlənmiş söhbətlərinə daxil olmaq üçün proqramın axtarış çubuğuna bu məxfi kodu daxil etməklə öz söhbətlərini tez tapa biləcəklər.

“WhatsApp” asan giriş üçün sözdən və ya sadə emojidən istifadə etməyi tövsiyə edir. Digər tərəfdən, istifadəçilər istənilən vaxt məxfi kodu dəyişdirmək və ya silmək səlahiyyətinə malik olacaqlar.

Qeyd edilib ki, kilidlənmiş söhbətlər üçün məxfi kodların yaradılması funksiyası inkişaf mərhələsindədir və tətbiqin gələcək yeniləməsində əlçatan olacaq.

Firuzə Əliyeva