Türkiyədə işsizlərin sayı 3 milyon 223 min nəfərə enib.

Sfera.az Türkiyə Statistika Təşkilatının (TÜİK) yaydığı rəqəmlərə əsasən xəbər verir ki, avqustda işsizlik səviyyəsi 0,2 qədər azalaraq 9,2 faiz olub. İşsizlik səviyyəsi kişilər üçün 7,5 faiz, qadınlar üçün isə 12,6 faiz təşkil edib.

15-24 yaş qrupunu əhatə edən gənc əhali arasında işsizlik səviyyəsi əvvəlki ayla müqayisədə 0,7 qədər azalaraq 17,2 faiz təşkil edib. Bu yaş qrupunda işsizlik nisbəti kişilər üçün 14,2 faiz, qadınlar üçün isə 22,7 faiz olaraq qeydə alınıb.

15 və yuxarı yaşda olan işsizlərin sayı avqust ayında bir əvvəlki ayla müqayisədə 56 min nəfər azalaraq 3 milyon 223 min nəfərə düşüb.

Firuzə Əliyeva