ABŞ-də yaşayan azərbaycanlı idmançıdan növbəti qələbə - Fotolar
12:46 / 08.10.2023
4730
ABŞ-də yaşayan azərbaycanlı idmançı Elgün Xanoğlan Özbəkistanın Daşkənd şəhərində keçirilən MMA (qaydasız döyüş - red.) idman növü üzrə çempionatda qalib olub.
“Report” xəbər verir ki, “35-ci Açıq Döyüş Çempionatı”nda (Open Fighting Championship-35 - Qeyd) həmyerlimiz rəqibi, ukraynalı idmançı Roman Mayniçi məğlub edib.
O, qələbəsinin elan edilməsi zamanı Azərbaycan bayrağını dalğalandırıb. Özbəkistanda yaşayan azərbaycanlılar idmançıya dəstək veriblər.
Qeyd edək ki, E.Xanoğlanlı Budo döyüş sənəti üzrə dünya və Avropa çempionudur. O, ABŞ-də diaspor fəaliyyətində fəallığı ilə də seçilir. E.Xanoğlanlı 2023-cü ildə Amerika-Azərbaycan Gənclər və İdman Assosiasiyasının sədri seçilib.
