İsrail Müdafiə Qüvvələri (IDF) Qəzza zolağında HƏMAS yaraqlılarının öz hərbi obyektlərini yerləşdirdiyi iki hündürmərtəbəli binaya hücum edib.


Sfera.az xəbər verir ki, binalardan biri “Fələstin qülləsi” adlanır. Hərbçilərin sözlərinə görə, terrorçular Qəzza zolağının mülki əhalisinin mərkəzində qəsdən hərbi obyektlər yerləşdirirlər.

Bobalamadan əvvəl İDF binanın sakinlərinə xəbərdarlıq edib və onları təxliyyə etməyi xahiş edib.

HƏMAS-ın yaraqlı qanadı, İzəddin əl-Qasim Briqadasının terrorçuları, Təl-Əvivin mərkəzinə zərbə endirməklə cavab hədələyiblər. Əl-Cəzirə mənbələri İsrailin hava hücumları nəticəsində ən azı 198 fələstinlinin həlak olduğunu bildirir.

Xatırladaq ki, HƏMAS silahlıları oktyabrın 7-də səhər saatlarında İsrailin cənubuna hücum ediblər. İsrail, Kanada, ABŞ, Böyük Britaniya və Yaponiya HƏMAS-ı terror təşkilatı kimi tanıyıb.

Qeyd edək ki, İsrail Müdafiə Qüvvələri Qəzza zolağından HƏMAS silahlılarının hücumuna cavab olaraq “Dəmir Qılınclar” əməliyyatı keçirir.

Aysel

Sfera.az