Ailə üzvləri və meneceri Aydan Topçubaşova ilə birlikdə İsrailin Tel-Əviv şəhərində çətin vəziyyətdə qalan müğənni Samirə Əfəndi son vəziyyəti ilə bağlı məlumat verib.

Sfera.az xəbər verir ki, bu barədə Samirə instaqram sosial şəbəkəsində paylaşım edib:

“Dostlar, biz salamatıq. Narahatsınız, bilirəm. Biz təhlükəsizlikdəyik. İnşallah ki evimizə sağ-salamat qayıdacayıq. İndi oteldəyik. Səfirlik və Diaspora, bizi bura dəvət edən təşkilatçılar da bizə görə çox narahatdır və mütəmadi əlaqədədirlər. Dualarınızı əsirgəməyin”.

Qeyd edək ki, ötən gün konsert verən sənətçi Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını elan edəndən sonra anası, xalası və meneceri ilə birlikdə qonaq olduğu məkandan çıxa bilməyib.

Firuzə Əliyeva