Avropa İttifaqının xarici siyasət və təhlükəsizlik məsələləri üzrə ali nümayəndəsi Josep Borrell HƏMAS terror qruplaşmasının kütləvi hücumu zamanı əsir götürülərək Qəzzaya aparılan şəxsləri dərhal azad etməyə çağırıb.

Sfera.az  “The Times of Israel”ə istinadən xəbər verir ki, Borrell bu barədə "X" sosial şəbəkəsində yazıb: 

"Mülki vətəndaşların evlərində və Qəzzada girov saxlanılması xəbərləri dəhşətlidir Bu, beynəlxalq hüquqa ziddir. Girovlar dərhal azad edilməlidir”.

Xatırladaq ki, HƏMAS terror qruplaşması bu səhər Qəzza zolağı ilə sərhəddəki hərbi bazaya hücum zamanı üzvlərinin bir neçə İsrail əsgərini əsir götürdüyünü əks etdirən görüntülər yayımlayıb.

İnternetdə yayılan digər görüntülərdə terror qruplaşması tərəfindən girov götürülənlər arasında mülki israillilərin olduğu da iddia edilir.

İsrail Müdaifə Nazirliyi hələlik iddialara münasibət bildirməyib.

Firuzə Əliyeva