17 noyabr 1978-ci ildə İndiana ştatının Speedway şəhərindəki Burger Chef restoranında adi günlərdən biri olub.

Sfera.az 40 ildən çox müddətdə üstü açılmayan “Burger Chef” hadisəsinin təfərrüatlarını təqdim edir.

Hadisə baş verən gün 20 yaşlı menecer köməkçisi Ceyn Fridt, 17 yaşlı Rut Ellen Şelton və 16 yaşlı Daniel Davis və Mark Flemmonds gündəlik işlərini davam etdirirdilər. Restoranın bağlanma vaxtı 23:00-a yaxınlaşdıqda, hər şey adi qaydada olduğu halda, gözlənilməz hal baş verib.

Həmin gün növbədə olmayan bir işçi “Burger Chef”ə gəlib, lakin gördükləri heç də ürəkaçan olmayıb.

Arxa qapının kilidi açıq idi və seyf tamamilə boş idi. Bundan əlavə, 4 işçi itkin düşüb. Üstəlik, işçilərdən birinin maşını dayanacaqda olmayıb.
Bunun üzərinə dərhal Speedway polis bölməsinə məlumat verilib və ertəsi gün hadisə yerində araşdırma aparılıb.


Əvvəla, seyfdə cəmi 581 dollar yox idi. Ona görə də bunu oğurluq hadisəsi hesab etmək olmazdı. Belə ki, işçilərin ziyafətə getmək üçün restoranı tərk etdikləri düşünülürdü.

Fikirlər bu istiqamətdə olsa da, hadisə yeri araşdırıldıqca məlum oldu ki, hadisə əslində çox fərqlidir.
 

İşçilər şaxtalı havaya baxmayaraq həm pulqabılarını, həm də pencəklərini mağazada qoyub getmişdilər. Lakin polis 4 əməkdaşın qayıdacağını düşünərək hadisə yerini tərk edib.

Övladlarından xəbər ala bilməyən ailələr polis qruplarına təzyiq göstərsələr də, polis hadisəni heç vaxt ciddiyə almayıb.


Hamı uşaqlardan xəbər gözlədiyi bir vaxtda işçilərdən biri olan Ceynin maşını şəhərin ortasında tapılıb.

Sürücü tərəfdən qapısı bağlı olan avtomobilin sərnişin qapısı açıq olub və tərk edilmiş kimi görünüb. Beləliklə, hadisənin adam oğurluğu olduğu qənaətinə gəlinib.
 

Hadisə bundan sonra ciddi qəbul edilsə də, artıq çox gec idi.


Çünki bir cütlük gəzinti zamanı restorandan 20 mil aralıda hələ də “Burger Chef”in iş paltarında olan 4 cəsəd aşkar edir.
 

Ruth Ellen Shelton və Den Davis başlarının arxasına atəş açılaraq öldürülüb. Jayne Friedt sinəsindən iki bıçaq zərbəsi almış, Mark Flemmonds isə öz qanına qərq olmuşdu.

Hadisə yerində heç bir dəlil tapa bilməyən polis qrupları hadisəni ilk növbədə ciddiyə alsaydılar, bəlkə də belə bir nəticə ortaya çıxmazdı.


Məhz iş məyusluqla bitəndə bir şahid restoran bağlanan vaxt restoranın dayanacağında iki nəfərin olduğu bir avtomobil gördüyünü deyib.
Sözügedən şübhəlilərin robot şəkilləri çəkilsə də, heç bir nəticə əldə edilməyib.


“Burger Chef” işi dəlil və şahidlərin olmaması səbəbindən bağlanıb.
 

Polis qrupları hadisə yerində araşdırma aparmaq üçün səhəri gözləmək əvəzinə dərhal hərəkətə keçsəydilər, bəlkə də bütün bunlar baş verməyəcəkdi.

Aynil