Azərbaycanda akademiklərin sayı AZALIR
Azərbaycanda son illərdə akademiklərin və müxbir üzvlərin sayında azalma baş verir.
Sfera.az rəsmi məlumatlara istinadən xəbər verir ki, 2015-ci ildə ölkəmizdə 65 akademik, 113 müxbir üzv olub.
Akademiklərin sayı 2020-ci ildə 63-ə, 2021-ci ildə 59-a, 2022-ci ildə 57-yə düşüb.
Eyni qaydada müxbir üzvlərin də sayı azalıb. Müxbir üzrlərin sayı 2020-ci ildə 95-ə, 2022-ci ildə isə 87-yə enib.
Qeyd edək ki, akademiklər Azərbaycan Milli Elmlər Akademiyasının həqiqi üzvləridir. Həqiqi üzv seçilən şəxslər sonradan akademik elmi adını alır, müxbir üzvlərə isə bu ad verilmir. Həqiqi üzv müxbir üzvdən bir pillə daha yuxarı elmi addır.
Qaydalara görə, akademik öncə müxbir üzv seçilməlidir. Akademiklərin seçilməsinə yalnız akademiklər, müxbir üzvlərin seçilməsinə isə həm akademiklər, həm də müxbir üzvlər səs verir.
Yeri gəlmişkən, 2023-cü ilin oktyabrın 23-də dünyasını dəyişən tanınmış geoloq, SOCAR-ın geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə də akademik idi. X.Yusifzadənin dünyasını dəyişməsindən sonra akademiklərin sayı bir qədər də azalıb.
Vasif
