ABŞ-dən Rusiyaya silah verən Şimali Koreyaya TƏHDİD: “Yaxşı olmayacaq”
Şimali Koreyanın son addımı səs-küy yaradıb.
Sfera.az bildirir ki, ABŞ-nin hədələyici açıqlamalarına baxmayaraq, sözügedən ölkə Rusiyaya ağır silahlar göndərməyə başlayıb. Bu barədə “CBS News” telekanalı hökumət rəsmisinə istinadən məlumat yayıb.
Bu addımın uzunmüddətli tədarük zənciri, yaxud məhdud göndərişin bir hissəsi olduğu bilinmir. Qeyd olunub ki, Şimali Koreyanın göndərilən sursat müqabilində Rusiyadan nə alacağı da bəlli deyil. Telekanal vurğulayıb ki, bu gedişat Ukraynanı çətin vəziyyətə sala bilər.
ABŞ-nin milli təhlükəsizlik müşaviri Ceyk Sullivan isə bunları deyib: “Rusiyanı silahla təmin etmək Şimali Koreya üçün yaxşı olmayacaq. Onlar bunun əvəzini beynəlxalq ictimaiyyətdə ödəyəcəklər”.
Xatırladaq ki, ötən ay Rusiyaya səfər edən Şimali Koreya lideri Kim Çen İn Putinlə ikitərəfli görüşlər keçirib. Onlar strateji əməkdaşlığı inkişaf etdirmək barədə razılığa gəlib. Moskvanın Pxenyana peyk və nüvə sualtı qayıqları göndərməsi müqabilində Kimin Rusiyaya artilleriya mərmiləri və tank əleyhinə raketlər vermə planının müzakirə edildiyi iddia olunub.
Günay
