Rusiya qondarma Abxaziya Respublikasının Qara dəniz sahillərində yeni hərbi baza yaradacaq.

Sfera.az “İzvestiya” qəzetinə istinadən xəbər verir ki, bu barədə məlumatı Abxaziyanın lideri Aslan Bjaniya bildirib.

Gürcüstan ərazisi olan Abxaziyanın Qara dənizə çıxışı var. Dünən Bjaniya Rusiya Prezidenti Vladimir Putinlə görüşüb. “İzvestiya”da yer alan xəbərə görə, Bjaniya Oçamçira bölgəsində daimi dəniz bazası üçün müqavilə imzalandığını bildirib.

"Biz müqavilə imzaladıq və yaxın gələcəkdə Rusiya donanmasının Oçamçira bölgəsində daimi bazası olacaq. Bu müqavilə həm Rusiyanın, həm də Abxaziyanın müdafiə qabiliyyətini artırmaq məqsədi daşıyır və bu cür qarşılıqlı fəaliyyətlər davam edəcək”.

Xatırladaq ki, Rusiya qoşunları 2008-ci il avqustun 12-də başa çatan beş günlük müharibədə Gürcüstanın Cənubi Osetiyanı geri almaq cəhdini dəf etdikdən sonra Abxaziyanın və digər separatçı region olan Cənubi Osetiyanın müstəqilliyini tanıyıb. Beynəlxalq hüquqa görə Abxaziya Gürcüstanın bir hissəsi olsa da faktiki olaraq Rusiyanın bir əyalətidir.

Vasif