Venesiyada avtobus körpüdən aşdı - 20 nəfər öldü + FOTO

Venesiyada baş verən yol qəzasında 20 nəfər həlak olub, 21 nəfər ölümcül yaralanıb.

Sfera.az bildirir ki, qəza axşam saat 20:00 radələrində Venesiya ətrafı Mestredə, insanları daşıyan avtobusun yerüstü keçiddən düşməsi nəticəsində baş verib.
 

İtalya KİV-nin məlumatına görə, qəzaya uğrayan avtobus metanla hərəkət etdiyi üçün zərbədən dərhal sonra alovlanıb.
 

Eniş zamanı avtobus hasardan keçərək təxminən 10 metr uçub. Daha sonra avtomobil dəmir yolu relslərinə düşüb və yanıb.
 

Hadisə şahidlərinin cib telefonlarından çəkilən ilk foto, videolarda yardımın hələ gəlmədiyini göstərsə də, qəza yerinə gedən onlarla avtomobilin sirenaları eşidilir. Avtobusun ətrafında yaxınlıqdakı insanları da görmək mümkündür, güclü alov səbəbindən avtomobilə yaxınlaşa bilməyiblər.


“Təcili yardım mütəxəssisləri hadisə yerindədir. Təcili yardım maşınları gəlib. Venesiyanın yerli səhiyyə departamenti bütün xəstəxananın təcili yardım otaqlarının açıq saxlanılmasını və işçilərin işə çağırılmasını özündə əks etdirən böyük fövqəladə protokolunu işə salıb”.


Venesiya meri Luici Brugnaro hadisəyə münasibət bildirərkən, qəzanı apokaliptik səhnə adlandırıb.
 

"Dəhşətli faciə, apokaliptik səhnə, deyəcək söz yoxdur"-deyə şəhər meri Facebook-da yazıb.

Aynil

Sfera.az