Rusiya Avropa İttifaqı (Aİ) və ABŞ-la gizli danışıqlar aparıb.

Sfera.az bildirir ki, bu barədə “Politico” nəşri məlumat yayıb. Qeyd olunub ki, müzakirələr Qarabağ ətrafında vəziyyətin normallaşdırılması ilə bağlı olub.

“ABŞ və Aİ-nin yüksək rütbəli rəsmiləri Qarabağ münaqişəsinin həlli üçün Türkiyədə gizli danışıqlar aparmaq məqsədilə təcili olaraq rusiyalı həmkarları ilə görüşüblər”, - nəşr yazıb. 

“Politico” əlavə edib ki,  sentyabrın 17-də İstanbulda baş tutan görüşün əsas məqsədi Ermənistandan humanitar yardımın keçirilməsinə icazə verilməsi üçün Azərbaycana təzyiq göstərmək olub.

“ABŞ-ni Qafqaz danışıqları üzrə baş müşaviri Lui Bono, Aİ-ni onun regiondakı nümayəndəsi Toivo Klaara, Rusiyanı isə Rusiya Prezidenti Vladimir Putinin Ermənistan və Azərbaycan arasında əlaqələr üzrə xüsusi nümayəndəsi İqor Xovayev təmsil edib”, deyə nəşr bildirib.

Günay