“Ukrayna tezliklə Rusiya ilə münaqişəni bitirə bilər”.

Sfera.az bildirir ki, bu iddia ilə Almaniyanın “Der Spiegel” nəşri çıxış edib. Qeyd olunub ki, əsas səbəb ABŞ-nin son addımlarıdır. Nəşr bildirib ki, artıq Kiyev Vaşinqton üçün prioritetini itirir.

“Ukrayna Vaşinqtonun prioritetlər siyahısından çıxmaq üzrədir. Ola bilər ki, Kiyev hökuməti tezliklə, hətta Rusiya üzərində qələbə qazanmasa belə, münaqişədən çıxmaq strategiyası haqqında düşünsün” – deyə məqalədə vurğulanıb.

Xatırladaq ki, ABŞ Prezidenti Cozef Bayden Senat (yuxarı palata) və Nümayəndələr Palatasının (aşağı palata) ardınca Ukraynaya yardımı ehtiva etməyən hökumətin maliyyələşdirilməsinin 45 gün müddətinə uzadılması layihəsini təsdiqləyib.

“Biz heç bir halda Amerikanın Ukraynaya dəstəyinin kəsilməsinə icazə verə bilmərik. Çox ümid edirəm ki, spiker Ukrayna xalqına sadiqliyini qoruyacaq və bu kritik anda Ukraynaya kömək etmək üçün lazım olan dəstəyi təmin edəcək”, - bəyanatda qeyd olunub.

Günay