Xankəndidə Azərbaycanın bu dövlət qurumları fəaliyyətə başladı - SİYAHI
Antiterror tədbirlərindən sonra Qarabağ iqtisadi rayonunun erməni əhalisinin yaşadığı ərazilərində tarixi hadisələr yaşanır. Separatçıların təslim olmasından sonra bölgənin təmizlənməsi və mərkəzi hakimiyyətin bərpası istiqamətində ciddi işlər görülüb.
Artıq Xocalı, Xocavənd, keçmiş Ağdərə rayonu və Xankəndidə Azərbaycanın suverenliyi bərpa edilib. Hazırda mərkəzi hakimiyyətin bərpası prosesi istiqamətində intensiv işlər həyata keçirilir.
Qarabağdan ermənilərin son marşrutu yola salındıqdan sonra, Azərbaycanın bir sıra qurumları ərazidə öz fəaliyyətlərinə başlayıblar.
Sfera.az Xankəndində fəaliyyətə başlayan qurumları təqdim edir:
- Azərbaycan Respublikasının Daxili İşlər Nazirliyi
- Azərbaycan Respublikasınn Müdafiə Nazirliyi
- Azərbaycan Respublikasının Fövqəladə Hallar Nazirliyi
- Azərbaycan Respublikasının Səhiyyə Nazirliyi
- Azərbaycan Respublikasının Əmək və Əhalinin Sosial Müdafiəsi Nazirliyi
- Azərbaycan Respublikasının Dövlət Miqrasiya Xidməti
- Azərbaycan Respublikasının Nəqliyyat, Rabitə və Yüksək Texnologiyalar Nazirliyi
- Azərsu
- Azərbaycan Respublikasının Minatəmizləmə Agentliyi (ANAMA)
