“Soruşdum ki, çeçenlər necə döyüşür?” – Putin Kadırovla görüşdə hansı açıqlamaları verdi?

Rusiya prezidenti Vladimir Putin Çeçenistan rəhbəri Ramzan Kadırovla görüşüb.

Sfera.az-ın məlumatına görə, o,  Kadırova və onun komandasına minnətdarlığını bildirib:  

“Ramzan Axmatoviç, bilirəm ki, siz cəbhədə inamla döyüşən əsgərlərin ailələrinə dəstək olursunuz. Döyüşçüləriniz digər bölmələrlə çox yaxşı əlaqələrindən məmnunam. Mən komandirlərin, o cümlədən yüksək hərbi vəzifəlilərin arzuolunan fəaliyyətindən xəbərdaram”.

Putin həmçinin, komandirlərdən birindən çeçenlərin necə döyüşdüyünü soruşduğunu söyləyib: “Komandir mənə dedi ki, döyüşçülər sizi ruhdan salmayacaqlar, mən onlara tam güvənirəm. Bu, faktiki olaraq döyüş əməliyyatlarında iştirak edən komandirlərə verilən qiymətdir. Buna görə də hər kəsə və onların ailələrinə ən xoş arzularımı çatdırıram”.

Ramzan Kadırov da öz növbəsində Putini əmin edib ki, onun tapşırığı 100 faiz yerinə yetiriləcək.

Günay