Yenilənmiş 5 qəpiklik metal pul nişanları tədavülə buraxıldı - FOTO

Azərbaycan Mərkəzi Bankı tərəfindən yenilənmiş 5 qəpiklik metal pul nişanları tədavülə buraxılıb.

Sfera.az rəsmi məlumatlara istinadən xəbər verir ki, 2023-cü ilin əvvəlində bütün metal pulların dəyər ifadəsində 5,1 faizi 5 qəpikliklərdən ibarət olub. 

Həmin tarixdə 576,3 milyon ədəd metal pul dövriyyədə idi. Metal pulların ümumi dəyəri 91,3 milyon manat təşkil edib. Beş qəpikliklərin dəyəri isə 4,656 milyon manat idi. 

Dəyər ifadəsində metal pulların 44,5 faizi 50 qəpikliklərdən, 31,8 faizi 20 qəpiklərdən, 16,1 faizi 10 qəpiklərdən ibarətdir. Cəmi metal pulların 2 faizi 3, 0,5 faizi 1 qəpiklərdir. 

Ümumiyyətlə, metal pullar tədavüldə olan nağd pulların 0,6 faizini təşkil edir.

Vasif