ANAMA-nın avtobusu Laçında qəza etdi - 6 nəfər xəsarət aldı
Azərbaycan Respublikasının Minatəmizləmə Agentliyinə məxsus avtobus Laçın rayonu ərazisində qəza edib.
Sfera.az xəbər verir ki, bu barədə ANAMA məlumat yayıb.
Avtobusda olan Agentliyin 3 nəfər əməkdaşı yüngül xəsarətlər alıb. Xəsarət alan şəxslər yaxınlıqdakı xəstəxanaya təxliyyə ediliblər.
Xəsarət alan şəxslərin vəziyyəti stabildir. Həyatları üçün təhlükə yoxdur.
***
DİN-in Mətbuat Xidmətinin Bərdə regional qrupunun baş inspektoru, polis kapitanı Aslan Qiyaslı “Qafqazinfo” ya bildirib ki, bu gün Laçın rayonunun Ağcakənd kəndi ərazisində “Kamaz” markalı sərnişin avtobusu hərəkətdə olan zaman sürücünün idarəetməni itirməsi səbəbindən dərəyə yuvarlanıb.
İlkin məlumata görə, nəqliyyat vasitəsində olan 6 nəfər müxtəlif dərəcəli bədən xəsarətləri alıb. Xəsarət alan şəxslər xəstəxanaya çatdırılıb.
Faktla bağlı Laçın RPŞ-də araşdırma aparılır.
