Zelenski və oliqarxların Krımdakı əmlakları satılır - 800 milyon rubl
12:50 / 16.09.2023
5224
Krımda ukraynalı oliqarxların milliləşdirilmiş 8 mənzili satılıb.
Sfera.az bildirir ki, bunu Rusiyanın ilhaq etdiyi Krımın parlamentinin rəhbəri Vladimir Konstantinov deyib. O, bu barədə “Telegram” hesabında yazıb. Konstantinov hərracın keçirildiyini və sözügedən mənzillərin 815 milyon rubldan çox dəyərə sahib olduqlarını vurğulayıb.
Onun sözlərinə görə, yaxın vaxtlarda 100-ə yaxın milliləşdirilmiş əmlak obyektinin satışı da planlaşdırılır. "Bunlara yaşayış yerləri, o cümlədən Zelenski cütlüyünün mənzili, sanatoriya və kurort obyektləri, pərakəndə və ticarət obyektləri daxildir” - Konstantinov qeyd edib.
O həmçinin bildirib ki, bu əmlakların satışından Krım Respublikasının büdcəsini 800 milyon rubldan çox qazanacaq.
Günay
