“Rusiya Ermənistanın düşməni deyil” - Zaxarova
“Rusiya Ermənistanın düşməni deyil və heç vaxt da olmayacaq”.
Sfera.az bildirir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Şərq İqtisadi Forumu çərçivəsində jurnalistlərə müsahibəsində deyib. O, qeyd edib ki, baş verənlərə görə Rusiyanı günahlandırmaq düzgün deyil:
“Bakının Qarabağla bağlı hüquqlarını tanıyan Rusiya deyil, bunu Ermənistan rəhbərliyi edib. Eləcə də, Ermənistan xalqı məsələ ilə necə məşğul olacağına qərar verməlidir. İrəvanda qəbul edilən qərarlara görə məsuliyyəti Rusiyanın üzərinə atmağa, düşmən axtarmağa ehtiyac yoxdur. Rusiya heç vaxt Ermənistanın düşməni olmayıb və olmayacaq”.
Zaxarova həmçinin, Rusiya ilə mübahisənin Ermənistan üçün fəlakət ola biləcəyini vurğulayıb:
“Ümid edirəm ki, Ermənistan rəhbərliyinin belə bir məqsədi və vəzifəsi yoxdur. Rusiya tarixən erməni xalqının müttəfiqi, dostu, ən yaxın tərəfdaşı olub, ən çətin anlarda onlara dəstək olub. Bu cür münasibətləri bir ilə, beş ilə qurmaq olmaz. Bu, zamanla sınaqdan keçirilmiş tarixdir. Amma hər şeyin üstündən xətt çəkmək? Səmimi qəlbdən ümid edirəm ki, Ermənistan rəhbərliyində heç kimin belə planları yoxdur”.
Günay Rəsulqızı
