Tarix boyu bir çox arxeoloji kəşflər edilsə də, Valdaro Aşiqləri düz 6 min il əvvəl bir-birini qucaqlayaraq ölən cütlüyün skeletlərindən ibarətdir. Bəs Valdaro Aşiqləri necə kəşf edilib?

Sfera.az bu yazıda 2007-ci ildə kəşf edilən Valdaro Aşiqləri haqqında məlumat təqdim edir.

2007-ci ilin fevralında Mantuadan bir qədər kənarda yerləşən Valdaro kəndində arxeoloji kəşf edildi ki, bu da tez bir zamanda dünya üzrə tədqiqatçıların diqqətini cəlb edib. 

Aşkar edilən məzarda üzbəüz və bir-birini qucaqlayan iki skelet tapılıb. Onlar bu vəziyyətdə dəfn edilib. 

"Valdaro Aşiqləri"nin əlləri və ayaqları iç-içə bir-birinə sıx qucaqlaşaraq, üz-üzə, bir-birini qucaqladıqları aşkar edilib.

Arxeoloji kəşflə aşkar edilmədən əvvəl 6 min il bu şəkildə basdırılan skeletlər zamanla Valdaro Aşiqləri adlandırılıb.

Valdaro Aşiqləri ilə bağlı araşdırmalar hələ də davam etsə də, mövcud məlumatlara görə bu skeletlərin kişi və qadın olduğu məlumdur.

Eyni zamanda hər ikisinin yaşı 20-dən çox deyil.

Kişi skeletinin boynunun yanında çaxmaq daşından ox ucu, qadının isə ombası boyunca uzun çaxmaq daşı və çanaq sümüyü altında iki çaxmaq daşı olub.

Əvvəlcə silahların ölümə səbəb ola biləcəyi düşünülsə də, müayinələr zorakı ölümə dair heç bir dəlil tapmayıb, buna görə də bu əşyaların qəbir əşyaları olduğu güman edilir.

Tədqiqatçılar bir-birlərinə sarılaraq tapılan cütlüyün araşdırması üçün müxtəlif testlər aparsalar da, sümüklər heç yerindən tərpənməyib və cütlük heç vaxt ayrılmayıb.

Əvəzində onların yerləşdiyi torpaq parçası iri kəmərlərlə yerdən qaldırılaraq taxta qutuya qoyulub.

Bu gün də birlikdə olan cütlük Mantuadakı Milli Arxeologiya Muzeyində nümayiş etdirilir.

Arxeologiya həvəskarlarının, eləcə də romantikanı sevənlərin ziyarət etdiyi “Valdaro Lovers”, bu gün də unikal bir kəşf hesab olunur.

Xanım 

Sfera.az