Rusiyada Sibirdəki qəbiristanlıqların birində iPhone şəklində 1,5 metrlik məzar daşı quraşdırılıb. Qəbrin üzərinə ekran qoruyucu şəklində mərhumun şəkli yerləşdirilib.
 

Sfera.az bildirir ki, abidə 25 yaşlı qızın atası tərəfindən sifariş edilib. Mərhum qız səyahət etməyi çox sevib və çoxlu dostları olub. 25 yaşlı Rita Şameeva hələ 2016-cı ildə Rusiya qəbiristanlığında dəfn edilib. Onun haqqında həvəsli səyahətçi olduğu və Almaniyada dostları olduğu məlumdur. Qızın atası qızı üçün qəbir daşı kimi nəhəng iPhone sifariş edib. Qara iPhone şəklində qəbir daşı bazaltdan hazırlanıb. Qəbir daşında "ekran qoruyucusu" kimi gənc qadın və hətta arxasında Apple loqosu var.
 

Qeyri-adi baş daşını ilk görən ritual agentliyinin əməkdaşı Nikolay Yevdokimov əvvəlcə hallüsinasiya keçirdiyini düşündüyünü deyib.


"Mən çoxlu məzar daşları görmüşəm, amma iPhone şəklində, bu, açığını desəm, ilk dəfədir. Çox qeyri-adidir".
 

Abidə Sibir şirkəti tərəfindən hazırlanıb. Dizayner Pavel Kalyuk reklam məqsədi ilə oxşar məzar daşı yaradıb.
 

“Biz sadəcə diqqət çəkmək üçün abidələr düzəltməyə başladıq.
 

Əsərləri Novosibirskdə cənazə sərgisində təqdim olunub, qəribə məzar daşlarına sifarişlər verilib.

Aysel

Sfera.az