Sentyabrın 1-i səhər saatlarında Ermənistan silahlı qüvvələrinin Basarkeçər rayonunun Zod istiqamətindəki bölmələri tərəfindən Azərbaycan Ordusunun Kəlbəcər rayonu ərazisində yerləşən mövqelərinə PUA-lardan zərbələr endirilib. Nəticədə üç hərbi qulluqçumuz yaralanıb.

Sfera.az bildirir ki, baş verənlərlə bağlı fikirlərini bölüşən politoloq Məhəmməd Əsədullazadə deyib ki, Ermənistanın Azərbaycanla şərti sərhəddə hərbi təxribatalara getməsi gözlənilən idi:

“Onların məqsədi Hindistan və Fransadan artilleriya vasitələrini tədarük etmək, həmçinin İrandan verilən PUA-lar vasitəsilə strateji yüksəklikləri ələ keçirmək və danışıqlarda mövqelərini gücləndirməkdir. Ermənistan bununla Qarabağın statusu mövzusunu növbəti dəfə danışıqlar masasına gətirməyi düşünür”.

Politoloq qeyd edib ki, Ermənistan belə hərbi təxribatları davam etdirəcək:

“Onlar bu addımları ilə Brüssel və Vaşinqton razılaşmalarındakı müddəalara maraqlı olmadıqlarını ortaya qoydular. Ermənistanla ilin axırına kimi danışıqlarda hər hansı bir müsbət irəliləyiş gözlənilmir. Bu ölkə ilə sülh müqaviləsi isə Azərbaycan Qarabağdan silahlı erməni birləşmələrini tam çıxaradan və Xankəndində nəzarəti bərpa etdikdən sonra mümkün ola bilər”.

Günay Rəsulqızı