"Qarabağ" qrup mərhələsinə vəsiqə qazandı - YENİLƏNDİ
“Qarabağ” bu gün Avropa Liqasında növbəti oyununu keçirəcək.
Sfera.az xəbər verir ki, Ağdam klubu bu turnirin pley-off mərhələsində “Olimpiya” ilə cavab oyununa çıxacaq.
Qurban Qurbanovun çalışdırdığı kollektiv Sloveniya çempionunu Lyublyanada baş tutan ilk oyunda 2 cavabsız qolla məğlub edib. Bu üzdən Azərbaycan çempionuna mərhələ adlamaq üçün heç-heçə də kifayət edəcək.
Avropa Liqası
Pley-offun cavab oyunu
31 avqust
20:00. “Qarabağ” – “Olimpiya”
Baş hakim: Alexandre Hernandes (İspaniya).
Bakı. Tofiq Bəhramov adına Respublika stadionu.
***
Komandalar meydana aşağıdakı start heyətlə çıxacaq:
“Qarabağ”: 23. Luka Quqeşaşvili, 44. Elvin Cəfərquliyev, 81. Kevin Medina, 13. Bəhlul Mustafazadə, 27. Toral Bayramov, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica.
Baş məşqçi: Qurban Qurbanov.
“Olimpiya”: 69. Matevj Vidovşek, 2. Xorxe Silva, 6. Mateo Karamatiç, 14. Marsel Ratnik, 43. Alyaj Krefl, 10. Timi Elşnik, 23. Dioqo Pinto, 34. Aqustin Doffo, 20. Nemanya Motika, 37. Pedro Lukas, 99. Rui Pedro.
Baş məşqçi: Joao Enrike.
****
Oyun başladı.
***
“Qarabağ” 24-cü dəqiqədə hesabı açır. Toral Bayramov penaltidən fərqlənir - 1:0.
***
36-cı dəqiqədə “Olimpiya” hesabı bərabərləşdirir. K.Pinto adını tabloya yazdırır - 1:1.
***
Matçın 38-ci dəqiqəsində hakim “Qarabağ”ın qapısına penalti təyin etsə də, VAR-a baxdıqdan sonra qərarını ləğv edib.
***
İlk hissə başa çatdı - 1:1.
***
İkinci hissə başladı.
***
Oyun başa çatdı - 1:1. İki oyunun ümumi nəticəsində görə rəqibini 3:1 hesabı ilə üstələyən “Qarabağ” növbəti dəfə Avropa Liqasının qrup mərhələsinə vəsiqə qazandı.
