Çin prezidenti Si Cinpin G20 sammitində iştirak etməyəcək.

Sfera.az bildirir ki, bu barədə “Reuters” öz mənbələrinə istinadən yazıb. Qeyd olunub ki, Pekini sammitdə baş nazirin təmsil edəcəyi gözlənilir.

Materialda Hindistan və Çin tərəfinin hələlik bu məlumatı şərh etmədiyi vurğulanıb. Digər tərəfdən, “Reuters” Putinin də sammitə getməkdən imtina etdiyini xatırladıb. Belə ki, bundan əvvəl Qərb mediası Rusiya liderinin G20 sammitində iştirak edə bilməyəcəyini yazmağa başlayıb. Daha sonra Kreml bu məlumatı təsdiqləyib. Ölkəni isə Rusiya Xarici İşlər Nazirliyinin rəhbəri Sergey Lavrov təmsil edəcək.

Xatırladaq ki, G20 sammiti  9 və 10 sentyabrda Hindistanda keçiriləcək.

Günay Rəsulqızı