Samux rayonuna yağan güclü yağış nəticəsində yaranan sel suları Yenikənd-Poylu avtomobil yolunun 41-42-ci kilometrlik hissəsində yol örtüyünə və yol qurğularına ziyan vurub.

Sfera.az xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb.

Bildirilib ki, yaranan problemlərin aradan qaldırılması hadisə baş verdiyi andan etibarən tədbirlər görülüb, əraziyə xüsusi texnikalar və canlı qüvvə səfərbər olunub:

"Təxirəsalınmaz tədbirlər nəticəsində sözügedən yolda təhlükəsiz və fasiləsiz hərəkət təmin edilir, təbii fəlakət nəticəsində dəymiş ziyanın aradan qaldırılması istiqamətində işlər aparılır".