Son illərdə Azərbaycanda məşğulluqda kənd təsərrüfatının payının azalması müşahidə edilir.

Sfera.az xəbər verir ki, 2010-cu ildə məşğul əhalinin hər 100 nəfərinin 38-i kənd təsərrüfatı üzrə fəaliyyət göstərirdisə, 2022-ci ildə 36 nəfəri bu sahədə fəaliyyət göstərib.

Ümumilikdə, 2022-ci ilin məlumatına əsasən ölkəmizdə 4,9 milyon məşğul insan olub. Bunların 1,753 milyon nəfəri kənd təsərrüfatı üzrə fəaliyyət göstərib. Son 12 ildə məşğul əhalinin sayı 13,2 faiz artdığı halda, kənd təsərrüfatı ilə məşğul olanların sayı 5,9 faiz artıb. Kənd təsərrüfatı ilə məşğul olanların sayının aşağı sürətlə artmasının birinci səbəbi bu sahədə insanların gəlirinin azalması, sərmayə üçün yetəri qədər vəsaitin olmamasıdır.

Digər səbəblər isə Azərbaycanda sənayeləşmənin genişlənməsi, tikinti sektorunin böyüməsi, həmçinin xidmət sahələrində məşğulluq imkanlarının artmasıdır.

Adıçəkilən səbəblərdən əhali tədricən kənd təsərrüfatı ilə məşğulluğu azaldaraq digər sahələrə meyl edir. Bunun nəticəsində şəhərlərdə yaşayan əhalinin sayı kənd əhalisinin sayına nisbətən daha sürətlə artır.

Vasif