ABŞ-da adı açıqlanmayan yeniyetmə dənizdən balaca delfini tutaraq, İnstagram üçün foto çəkdirib və sonradan delfin ölü tapılıb.
 

Sfera.az bildirir ki, uzun saçlı oğlan Floridadakı çimərlikdə əlində yaralı delfini tutmaqda çətinlik çəkdiyi şəklini İnstaqramda yerləşdirib. Kadrlarda həmçinin yeniyetmənin dostu kameraya təhqiredici jest edir. Qəzəbli balıqçılar və yerli sakinlər oğlanı "buynuzlu zibil" adlandırıblar. Yeniyetməni qanunsuz balıq ovu qaydalarına əsasən həbs cəzası gözləyir.
 

Dəniz bioloqları, indi silinmiş yazılarda görünən və geniş qəzəb doğuran heyvanın sonradan çimərlikdə ölü tapılan delfin balası olduğunu təsdiqləyiblər.


Hadisədən sonra Milli Okean və Atmosfer Administrasiyası (NOAA) dəhşətli fotolarla bağlı federal araşdırmaya cəlb edilib. Hələlik heç bir ittiham irəli sürülməyib, lakin dəniz bioloqları ölü delfinin üzgəclərinin forması ilə uğurla müəyyən edildiyini təsdiqləyiblər.
 

Qəzəblənən balıqçılardan biri yeniyetməni “para beyin” adlandırıb və o, gəncin hərəkətinin başqalarını da nüfuzdan salacağına inanır.
 

"Açıq-aydın görünür ki, o əməllərinə görə peşman da deyil".
 

Şimali Florida Universitetinin Delfin Araşdırma Proqramından Dr. Quincy Gibson, heyvanın şəklinin fotoşəkildəki ilə uyğunlaşdığını təsdiqləyib.
 

Qeyd edək ki, delfinlər sudan çıxarılsa, sağ qala bilmirlər. Uzun müddət təbii yaşayış yerlərindən kənarda olduqda boğulmalara səbəb olur. Hadisə baş verən zaman adı açıqlanmayan bir yeniyetmə tərəfindən qısa bir açıqlama verilib. O, bir dostu ilə "delfinin sağ olub olmadığını və ya köməyə ehtiyacı olduğunu görməyə çalışdıqlarını" iddia edib.


Daha sonra yeniyetmə edə biləcəkləri heç bir şey olmadığını gördüklərini və əvəzində delfinlə şəkil çəkdirdiklərini bildirib.
 

Dr. Gibson isə şəkil çəkilən zaman delfinin sağ olduğunu bildirib.
 

"Delfinin sudan götürüldüyü zaman ölməsi ehtimalı çox azdır. Amma eşitdiyim məlumatlara, eləcə də fotoya və şəkildəki insanların davranışlarına əsasən belə görünür ki, onlar həqiqətən də delfini tutub və o an çox güman ki, delfin sağ olub” - deyə mütəxəssis əlavə edib.

Aysel

Sfera.az