Bu gün Amerikaya məxsus F/A-18 Hornet qırıcısı ABŞ-ın Kaliforniya ştatındakı Miramar Hərbi Hava Qüvvələri bazası yaxınlığında qəzaya uğrayıb.

Sfera.az xəbər verir ki, bu barədə ABŞ Müdafiə Nazirliyinin nümayəndəsi bildirib.

Jurnalistlərin sözlərinə görə, hazırda qəzanın nədən baş verdiyi bəlli deyil və rəsmilər pilotun vəziyyəti ilə bağlı hələlik məlumat açıqlamayıblar.

Bundan əlavə, F/A-18 Hornet təyyarəsinin göyərtəsində başqa şəxslərin olub-olmadığı məlum deyil.

Səlahiyyətli orqanlar hadisənin səhər tezdən iki ştatı birləşdirən magistral yolun yaxınlığında baş verdiyini açıqlayıb.


Müdafiə Nazirliyinin sözçüsü F/A-18 dəniz piyadasının təlim uçuşu zamanı qəzaya uğradığını təsdiq edib.
 

Qeyd edək ki, 1970-ci illərdə hazırlanmış F / A-18 qırıcı-bombardmançı, Amerika daşıyıcısı əsaslı təyyarədir. Bu tip təyyarələr Avropa, Okeaniya və Yaxın Şərqin bir sıra ölkələrində xidmətdədir. ABŞ-da bu təyyarə Dəniz Korpusunun bir hissəsi kimi fəaliyyətini davam etdirir, həmçinin təlim və eksperimental eskadrilyalarda funksiyaları yerinə yetirir.
 

Müxtəlif vaxtlarda müxtəlif ölkələr Avstriya, Macarıstan, Polşa, Sinqapur, Filippin, Çexiya və Çili də daxil olmaqla F/A-18 qırıcılarının əldə edilməsi imkanını nəzərdən keçirib. Tayland da bir neçə F/A-18 təyyarəsi üçün sifariş verib, lakin 1997-ci ildə baş verən Asiya maliyyə böhranı səbəbindən bu sifariş ləğv edilib.
 

Xatırladaq ki, ABŞ-ın Miçiqan ştatında “Thunder Over Michigan” aviaşousunun sonunda Sovet MiQ-23UB təyyarəsi də qəzaya uğramışdı.

Aynil
Sfera.az