İran Ermənistanın suverenliyini və ərazi bütövlüyünü dəstəkləyir.

Sfera.az xəbər verir ki, bunu İrəvanda keçirilən “İranın azad iqtisadi zonaları” sərgisində jurnalistlərə müsahibəsində İranın Ermənistandakı səfiri Mehdi Subhani deyib.

"Biz bu istiqamətdə addımlar atacağıq. İran Ermənistanla bütün sahələrdə əlaqələri inkişaf etdirməyə çalışacaq", - Subhani bildirib.

Ölkələr arasında ticarət əlaqələrini şərh edən diplomat 2022-ci ildə ticarət dövriyyəsinin 700 milyon dolları ötdüyünü qeyd edib. Subhani xatırladıb ki, ölkə liderləri qarşılarına bu rəqəmi 3 milyard dollara çatdırmaq vəzifəsini qoyublar.

Xatırladaq ki, Ermənistanın baş naziri Nikol Paşinyanın 2022-ci il noyabrın 1-də Tehrana səfəri zamanı İran prezidenti İbrahim Rəisi bildirmişdi ki, İran Ermənistanla ticarət dövriyyəsini ildə 3 milyard dollara çatdırmaq niyyətindədir.

Əzizə