Siçanlar üzərində Alzheimer xəstəliyinin simptomlarına qarşı sınaqlar keçirildi

Kaliforniya Universitetinin San Dieqo Tibb Məktəbinin tədqiqatçıları müəyyən ediblər ki, aralıq orucu tutmaq Alzheimer xəstəliyinin simptomlarını yaxşılaşdıra bilər.

Sfera.az xəbər verir ki, "Hüceyrə Metabolizmi" jurnalında dərc edilən araşdırma vaxt məhdudiyyəti ilə qidalanan siçanların yaddaşının yaxşılaşdığını və onlarda anormal zülal yığınların azaldığını göstərib.

Alzheimer xəstələri tez-tez bədənin bir çox fizioloji prosesləri tənzimləyən sirkadiyalı ritminin pozulması ilə qarşılaşırlar. Təxminən 80 xəstə bu simptomlarla qarşılaşır, o cümlədən gecələr yatmaqda çətinlik çəkirlər.

Təcrübə zamanı siçanlarda sirkadiyalı ritmləri sürətləndirməyi sınayıblar. Bunun üçün onlar siçanları məhdud vaxt qrafiki ilə qidalandırıblar: onlara hər gün yalnız altı saatlıq aralıqda  yemək yeməyə icazə verilib. İnsanlar üçün bu, hər gün təxminən 14 saat oruc tutmağa bərabərdir.

Məlum olub ki, aralıq oruc tutan siçanların yaddaşı daha yaxşı olub, gecələr daha az hiperaktiv olub, daha nizamlı yuxu rejiminə riayət edib və daha az yuxu pozğunluğu yaşayıb. Bundan əlavə, heyvanlar idrak qabiliyyətlərində daha yüksək bal göstəriblər.

Gələcəkdə alimlər bununla bağlı klinik sınaqlar keçirməyi planlaşdırırlar. Nəticələr təsdiqlənərsə, neyrodegenerativ xəstəliyin müalicəsində dərmanlardan çox həyat tərzi dəyişikliklərinə əsaslanan yeni bir yanaşma ortaya çıxa bilər.

Əzizə