“Türkiyə Prezidenti Rəcəb Tayyib Ərdoğanın yaxın günlərdə Rusiyaya səfər edəcəyi gözlənilir. Səfərin məqsədi rusiyalı həmkarı Vladimir Putinlə “taxıl müqaviləsi”ni müzakirə etməkdir”.

Sfera.az xəbər verir ki, bu iddianı "Yeni Şafak” qəzeti Türkiyə liderinin administrasiyasındakı mənbələrinə istinadən yayıb.

Məlumata görə, Ərdoğanın səfəri taxıl dəhlizi sazişinin icrasının davam etdirilməsi üçün mühüm addım olacaq.

Qeyd edək ki, daha əvvəl "RİA Novosti" Türkiyə liderinin administrasiyasındakı mənbəsinə istinadla məlumat yaymışdı ki, Putin türkiyəli həmkarı ilə görüşə bilər, lakin tarixlər məlum deyil.

Əzizə