BRİKS Birləşmiş Millətlər Təşkilatını (BMT) əvəz edə bilər.

Sfera.az "lenta.ru"ya istinadən xəbər verir ki, bunu Rusiya Dövlət Dumasının Beynəlxalq Əlaqələr Komitəsinin sədr müavini Svetlana Jurova bildirib.

“İndi bir-birinin suverenliyini tanıyan və hörmət edən ölkələr BRİKS bayrağı altında toplaşır, bir-birlərinə təzyiq etmirlər. BRİKS-ə nə qədər çox ölkə qoşulsa, bir o qədər yaxşıdır. Bəlkə çox böyük danışıram, gələcəyi belə böyük ştrixlərlə rəngləyirəm, amma niyə olmasın? Əgər BMT kiminsə xoşuna gəlmək üçün işləməyə davam edərsə, o zaman ölkələr öz sözünü deyə biləcəkləri, susmayacaqları alternativ platformalar axtarmalı olacaqlar. Bizə siyasətçilərin təzyiqə məruz qalmadığı və düşündüklərini deyə bildikləri beynəlxalq platformalar lazımdır",- deputat deyib.

Qeyd edək ki, BRİKS təşkilatının  dünya iqtisadiyyatını və beynəlxalq münasibətləri dəyişə biləcəyini Cənubi Afrika Respublikasının Prezidenti Siril Ramafosa da vurğulayıb. O qeyd edib ki, BRİKS üzvləri birlikdə "daha ədalətli, balanslı və idarə olunan dünya" üçün çağırış edərək kollektiv səslərindən istifadə ediblər.

Məlumat üçün bildirək ki, BRİKS Braziliya, Rusiya, Hindistan, Çin və Cənubi Afrikadan ibarət olan bir qrupdur.

Əzizə