33 yaşlı Lucy Letby (Lüsi Letbi) 7 körpəni öldürüb, daha 6 körpəni öldürməyə cəhd edib.

Sfera.az bildirir ki, qatil tibb bacısı əfv və ya şərti azad edilmə hüququ olmadan ömürlük həbs cəzasına məhkum edilib. Bu, Britaniya hüquq sistemində ən sərt hökmdür. "Britaniyanın ən qəddar körpə qatili"nin motivləri ilə bağlı fərziyyələr irəli sürülüb.

Təhqiqata rəhbərlik edən detektiv Paul Hughes, körpə qatili Lüsi Letbinin evində polis tərəfindən tapılan qeydin onun vəhşi cinayətlərinin yeganə real izahını verə biləcəyini deyir. Ekspert sənədin etirafa bərabər olduğunu bildirib.


Hughes inanır ki, Letbi öz iyrənc cinayətlərini ona görə törədib ki, öz sözləri ilə desək, o, “şər qüvvə”dir.
 

"O, açıq-aydın diqqəti bəyənir, məncə, məhkəmə də onun xoşuna gəlib. Amma niyə bunu etdiyini axtarırıqsa, o zaman öz sözlərini təkrarlayaraq, "o şər qüvvəyəm" deyərək bunu edib" - deyə Hughes bildirib.
 

Aparıcı kriminoloqlardan biri hətta bunun psixi pozğunluğun - Munchausen sindromunun nəticəsi ola biləcəyini irəli sürür.
 

“Kifayət qədər yaxşı deyil” başlıqlı qeyd bir çox digər ittihamedici dəlillər arasında tapılıb.
 

"Mən pisəm, bunu etdim. Söz yox. Mən dəhşətli insanam - bunun üçün hər gün ağlayıram. Nəfəs ala bilmirəm. Diqqətimi cəmləyə bilmirəm. Böyük qorxu, çaxnaşma içərisindəyəm. Mən heç vaxt uşaq sahibi olmayacağam və evlənməyəcəyəm. Ailə qurmağın necə bir şey olduğunu heç vaxt bilməyəcəm. Heç bir ümid yoxdur” -deyə məhkum edilmiş İngilis qadının qeydlərində yazılıb.

Qeydlərdə həmçinin, tibb bacısının qətllərə görə məsuliyyətlərini dərk etmədiyini anlamaq olur:
 

"Mən səhv bir şey etməmişəm. Baş verənlərə görə özümə o qədər nifrət edirəm... Özümü çox tək və qorxulu hiss edirəm"- deyə o yazır.


Məhkəmə zamanı Letby qeydin hər hansı bir etiraf forması olduğunu inkar edib. O, bunu etmədiyi şeyi etməkdə ittiham olunmağı qəbul edə bilmədiyi üçün 2016-cı ilin iyulunda bölmədən köçürülərkən yazdığını bildirib.

“Ölüm mələyi” işinin araşdırılması
 

Detektiv Hughes inanır ki, kasetlər qatilin şöhrət qazanmaq istədiyini göstərir ki, bu da onun motivini müəyyən dərəcədə izah edir. İndi kriminalistlər, 2017-ci ilin mayında polisin araşdırma apardığını biləndə qadının niyə sənədləri və digər sübutları məhv etmədiyi ilə maraqlanır.
 

"Məncə, o, hər şeyi yazaraq, bu qeydləri tapmağımız üçün qoyub".

Xanım

Sfera.az