Rihanna ikinci övladını dünyaya gətirdi

35 yaşlı barbados əsilli müğənni, iş qadını və milyarder Rihanna ikinci dəfə ana olub. Rihanna artıq iki oğul anasıdır.

Sfera.az bildirir ki, oğlan avqustun 3-də doğulub və adı R hərfi ilə başlayır. KİV-in məlumatına görə, sənətçi bu ayın əvvəlində gizli şəkildə oğlan uşağı dünyaya gətirib.
 

Cütlüyə yaxın mənbələr körpənin avqustun 3-də Los-Ancelesdə doğulduğunu bildirib. Uşağın adı məlum deyil, lakin onun adının ilk hərfi R-dir.
 

Qeyd edək ki, Rihanna bir neçə həftə əvvəl ictimaiyyətin gözündən tamamilə itib, baxmayaraq ki, bundan əvvəl o, çılpaq qarnı ilə ardıcıl olaraq əyləncə və tədbirlərə qatılırdı.


Müğənni ikinci hamiləliyini hələ fevral ayında elan edib. Rihanna Super Bowl zamanı hamiləliyini açıq şəkildə nümayiş etdirən qırmızı ansamblda stadiona çıxmışdı. Qarnı onun bir neçə aydır ki, bu vəziyyətdə olduğunu açıq şəkildə göstərirdi.
 

Qeyd edək ki, Rihanna və sevgilisinin ilk övladı 13 may 2022-ci ildə dünyaya gəlib. Cütlük Vu-Tanq qəbiləsinin məşhur liderinin şərəfinə oğullarına RZA Athelston Mayers adını veriblər. Uşağın adı bu yaxınlarda, doğulmasından bir il sonra məlum olub.


Bundan əvvəl media müğənninin qız gözlədiyinə əmin idi. Bu fərziyyələr Rihannanın uşaq mağazasında qızlar bölməsində görünməsindən sonra daha da çoxalıb. Özü isə doğmamış uşağın cinsi ilə bağlı suallara heç bir reaksiya verməyib.
 

Hal-hazırda həm Rihanna, həm də A$AP Rocky ailəyə yeni üzvün qatılması barədə susurlar.

Aynil
Sfera.az