Bağdadda pornoqrafiya nümayiş etdirildikdən sonra bütün reklam ekranları bağlandı - VİDEO
İraq rəsmiləri avqustun 19-da axşam saatlarında paytaxt Bağdadda pornoqrafik filmin nümayişindən sonra reklam ekranlarının söndürülməsinə göstəriş verib.
Sfera.az bildirir ki, avqustun 20-də naməlum haker Uqbə bin Nəfiyə meydanının əsas kəsişməsində quraşdırılmış ekranın təhlükəsizlik sisteminə müdaxilə edərək, hüquq-mühafizə orqanlarının əməkdaşları elektrik naqilini ayırana qədər bir neçə dəqiqə ərzində pornoqrafik film nümayiş etdirib.
Ölkənin Daxili İşlər Nazirliyi artıq hüquq-mühafizə orqanlarının əməkdaşları tərəfindən cinayətkarı saxladığı barədə məlumat yayıb. Haker ekranın təhlükəsizlik sistemini sındırmağı bacarıb.
Şəhərin mərkəzindən keçən avtomobillərin fonunda nümayiş etdirilən pornoqrafik filmin video görüntüləri sürətlə şəbəkədə yayılıb. Adının açıqlanmasını istəməyən bir təhlükəsizlik rəsmisinin dediyi kimi, bu "əxlaqsız səhnələr" səlahiyyətliləri təhlükəsizlik tədbirlərinə baxılarkən Bağdaddakı bütün reklam ekranlarını bağlamağa məcbur edib.
Ölkənin Daxili İşlər Nazirliyi hakeri artıq saxladığını bildirsə də, əlavə məlumat verməyib.
Aysel
Sfera.az
