"Kiyev ABŞ və Avropa İttifaqının hərbi dəstəyini itirə bilər" - Qərb mediası
Qərb mediası yazır ki, gələn ilin sonuna qədər Kiyev ABŞ və Avropa İttifaqının hərbi dəstəyini itirə bilər. Nəticədə hərbi əməliyyatların intensivliyini azaltmaq və Rusiya ilə danışıqlar haqqında ciddi düşünmək lazım gələcək.
Sfera.az xəbər verir ki, Ukraynanın xarici işlər naziri Dmitri Kuleba qarşıdan gələn payızın çox çətin olacağını etiraf edib. Eyni zamanda, nazir danışıqların gec-tez başlayacağı ilə razılaşıb. Çox güman ki, vasitəçi vasitəsilə...
Kulebanın sözlərinə görə, Ukraynanın müttəfiqləri arasında Moskva ilə dialoq çağırışları daha da güclənir.
Ukrayna Silahlı Qüvvələrinin əks hücumu, Zelenskinin komandasının söz verdiyi kimi sürətli və qalib tərzdə deyil, ləng və qanlı oldu. Bu, Qərbi məyus etdi. İndi Avropa İttifaqı və Birləşmiş Ştatlar Ukraynaya pul və silahların verilməsinə davam etməyin lazım olub-olmadığını müzakirə edirlər.
Almaniyanın "Bild" nəşri də bu müddətdə xəbərdarlıq edib: "Ukrayna Silahlı Qüvvələri uğur qazanmasa, Rusiya əks-hücum əməliyyatına keçəcək".
Ukrayna ilə ABŞ arasında da hər şey yaxşı getmir. Ağ Ev Konqresdən Kiyevə təcili hərbi yardım üçün 13 milyard dollar istəyib. Pul sentyabrın 30-na kimi ödənilməlidir. Bununla belə, Nümayəndələr Palatasına nəzarət edən respublikaçılar tərəddüd edir. Əksəriyyət münaqişəni tez bir zamanda söndürmək üçün silah tədarükünü artırmağa yox, azaltmağa çağıran Donald Trampın mövqeyinə meyl edir.
Bundan əlavə, "CNN"in məlumatına görə, amerikalıların 52%-i hesab edir ki, Konqres Ağ Evin tələbini rədd etməlidir. Lakin 48%, əksinə, hərbi yardımın artırılmasının tərəfdarıdır.
Rusiyalı ekspertlər hesab edirlər ki, hələlik Kiyevin təklifləri Moskva üçün əhəmiyyətsizdir.
Rusiya hökuməti yanında Maliyyə Akademiyasının eksperti Denis Denisovun sözlərinə görə, Ukraynada Moskva ilə dialoqun zəruriliyi ilə bağlı müzakirələr tezliklə başlayacaq. "Hamı başa düşür ki, alternativ yoxdur", - analitik qeyd edib.
Lakin hərbi əməliyyatların sonu hələ çox uzaqdır. Bundan əlavə, təxribat və terror aktlarını dayandırmaq üçün çox vaxt lazım olacaq. Yalnız bundan sonra tərəflər atəşkəsi müzakirə etməyə başlayacaqlar.
İnci
