Alimlər kainatın ən qədim 4 qalaktikasından birini kəşf ediblər.

Sfera.az xəbər verir ki, beynəlxalq astronomlar qrupu müstəqil araşdırma çərçivəsində kainatın ən qədim dörd qalaktikası siyahısına daxil edilmiş Meysi qalaktikasının mövcudluğunu təsdiqləyib. 

"Macy Galaxy" ilk dəfə 2022-ci ilin yayında görülüb. Hələ o zaman elm adamları onun relikt obyekt olduğunu irəli sürüblər. Onun mövcudluğunu təsdiqləmək üçün bir il və spektroskopik müşahidələr aparılıb.

Yeni tədqiqat həm də bu obyektin dəqiq yaşını ölçməyə imkan verib - məlum olub ki, qalaktika Böyük Partlayışdan cəmi 390 milyon il sonra yaranıb. Bu onu qeydə alınmış ən qədim dörd qalaktikadan biri edir. Obyekt öz adını qalaktikanı ilk dəfə görən tədqiqat qrupuna rəhbərlik edən astrofizik Stiven Finkelşteynin qızının şərəfinə alıb. 

Astronomiya professoru Stiven Finkelşteyn deyib ki, Meysi qalaktikası ilə bağlı ən maraqlı cəhət odur ki, o, "JWST"dən istifadə edilərək müəyyən edilmiş ilk uzaq qalaktikalardan biri olub və bu dəstdən o, əslində spektroskopik olaraq təsdiqlənən ilk qalaktikadır. O, həmçinin bildirib ki, kəşf qızı Meysinin ad günündə edilib və buna görə də qalaktika onun adını daşıyır.

Digər tədqiqatların bir hissəsi olaraq astrofiziklər hazırda Meysi qalaktikasından daha qədim ola biləcək onlarla başqa qalaktikanın xüsusiyyətlərini qiymətləndirirlər.

Əzizə