Azərbaycan çempionatı: “Qarabağ” ilk qələbəsini qazandı - VİDEO

İdman
21:26 / 13.08.2023
9905
"Qarabağ" futbol üzrə Azərbaycan Premyer Liqasının 2023/24 mövsümündə ilk qələbəsini qazanıb.
Sfera.az xəbər verir ki, ilk matçda "Zirə"yə uduzan Ağdam klubu II turda "Turan Tovuz"dan güclü olub.
Komanda öz meydanında böyük hesablı qələbəyə sevinib - 3:0.
30-cu dəqiqədə Juninyo "atlılar"ın ilk qolunu vurub.
66-cı dəqiqədə Abdullah Zubir fərqi artırıb.
Üç dəqiqə sonra Adama Diakabi matçda son nöqtəni qoyub.
Bu qələbədən sonra "Qarabağ" üç xalla dördüncüdür. Eyni xala malik "Turan Tovuz" beşinci pillədə qərarlaşıb.