Robbi Uilyams üzünə və bədəninə plastik əməliyyat etdirməyi planlaşdırır
49 yaşlı britaniyalı müğənni, bəstəkar və aktyor, “Take That” qrupunun keçmiş üzvü Robbi Uilyams arıqladıqdan sonra plastik əməliyyat etdirmək istədiyini bildirib.
Sfera.az bildirir ki, bir müddət əvvəl 13 kiloqram arıqlayan sənətçi indi dərisinin sallanmasından razı deyil. O, plastik əməliyyatın köməyi ilə bu qüsuru düzəltmək və bədənini mükəmməlləşdirmək niyyətindədir. Onun sözlərinə görə, dostları onu bundan çəkindirir, amma müğənninin fikri qətidir.
"Hər kəs pis plastik əməliyyatlara baxır və düşünür ki, "Ay allah, bunu etmə." Amma heç kim yaxşı plastik əməliyyat görmək istəmir. Mənim sahəmdə insanların çoxu həqiqətən yaxşı plastik əməliyyat keçiriblər. Gözlərimə dolğu istəyirəm, çünki gözləri çökmüş kimi görünürəm. Ehtiyacımız olmayan çox şey var, amma biz onları əldə edirik” - Robbi bildirib.
Pərəstişkarlarının tez-tez soruşduğu dərisinin hamarlığına gəlincə, Uilyams deyib:
"Mənim dəriyə qulluq? Mən sadəcə neftli (72%) sabun istifadə edirəm və görünür bu işə yarayır. Merilin Monronun da istifadə etdiyi bu idi”.
Kral Çarlzın Norfolkdakı Sandringham malikanəsində bu ay iki tamaşa oynayacaq Robbi, iki dəfə saç əkilməsi rədd edildikdən sonra keçəl olmağa hazır olduğunu da etiraf edib.
"Saçlarımı bacardığım qədər taxacağam, sonra keçəl olacağam. İki nəfərin yanına getdim ki, onlar mənə saçımı bağlayanda daha qalınlaşdırmağa kömək edə biləcəklərmi, amma görünür, saçım çox nazikdir. Bacarsam, düşünürəm ki, ilin sonunda Avstraliya və Yeni Zelandiyadakı şoularım üçün saçlarımı arxada at quyruğu saxlayacağam”.
Aysel
Sfera.az
