"Qarabağ" qələbə qazandı
Bakıda UEFA Avropa Liqasının III təsnifat mərhələsinin ilk oyununda üz-üzə gələcək "Qarabağ" və Finlandiya HİK-inin start heyətləri bəlli olub.
Sfera.az xəbər verir ki, komandalar meydana aşağıdakı "11-lik"lərlə çıxacaqlar:
"Qarabağ": 1. Şahruddin Məhəmmədəliyev, 13. Bəhlul Mustafazadə, 81. Kevin Medina, 44. Elvin Cəfərquliyev, 27. Toral Bayramov, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica
Baş məşqçi: Qurban Qurbanov
HİK: 1. Yesse Öst, 4. Yoona Toyvio, 9. Boyan Raduloviç, 10. Lukas Linqman, 15. Miro Tenho, 18. Topi Keskinen, 22. Yukka Raytala, 23. Püri Soyri, 24. Georgios Kanellopulos, 27. Kevin Kuassivi-Benissan, 37. Atomu Tanaka
Baş məşqçi: Toni Korkeakunnas
Qeyd edək ki, Tofiq Bəhramov adına Respublika stadionunda oynanılacaq görüş saat 20:00-da başlayacaq.
***
"Qarabağ" - HİK qarşılaşması start götürdü.
***
Görüşün 4-cü dəqiqəsində Yankoviç "Qarabağ"ı hesabda önə keçirsə də, VAR-a baxıldıqdan sonra ofsayt səbəbindən qol qeydə alınmadı.
***
Andrade 55-ci dəqiqədə "Qarabağ"ı hesabda önə keçirdi: 1-0.
***
Olusanya 77-ci dəqiqədə hesabı bərabərləşdirdi: 1-1.
***
Juninyo 85-ci dəqiqədə "Qarabağ"ın ikinci qoluna imza atdı: 2-1.
***
"Qarabağ" HİK-i 2-1 məğlub etdi. Cavab qarşılaşması bir həftə sonra Helsinkidə baş tutacaq.
