"Sərhəddəki "humanitar yük" şousunu İranın İrəvandakı səfirliyi koordinasiya edir" - ŞƏRH
"İranın son addımı Azərbaycanla Ermənistan arasında sülh müqaviləsinin imzalanmasının qarşısını almaqdan ibarətdir".
Sfera.az xəbər verir ki, bunu politoloq Məhəmməd Əsədullazadə bildirib. Ekspert İranın Ermənistanın təxribat xarakterli addımlarında vasitəçi olduğuna diqqət çəkib:
"İran Azərbaycanla sərhəddə "Humanitar yük" şousunun iştirakçısıdır. Ermənistandan Laçın nəzarət-buraxılış məntəqəsini qanunsuz keçmək üçün Qarabağa göndərilən bir neçə TIR İranın Ermənistandakı şirkətinə aiddir. Prosesi İranın Ermənistandaki səfirliyi koordinasiya edir. İrandan göndərilən yüklər Ermənistan nömrəsi ilə Azərbaycan ərazisinə qanunsuz daxil olmaq üçün sərhəddə gözləyir. İran rejimi bununla da Ermənistanla Azərbaycan arasında sülh müqaviləsinin bağlanmasının qarşısını almaq istəyir".
Politoloq İranın Azərbaycana qarşı fəaliyyət göstərən konsulluğundan da danışıb:
"İran rejimi Ermənistana dəstək verməklə böhranın davam etməsində maraqlıdır. İranın Qafanda konsulluğu Azərbaycana qarşı hərbi kəşfiyyatla məşğul olur və burada humanitar yük şousunun təşkil edilməsində əsas mərkəz funksiyasını daşıyır".
Əzizə
