Ərdoğan: “Türkiyə antiterror əməliyyatlarını davam etdirəcək”

Türkiyə antiterror əməliyyatlarını davam etdirəcək.

Bunu Türkiyə Prezidenti Rəcəb Tayyib Ərdoğan Ankarada keçirilən Səfirlərin 14-cü Konfransında çıxışı zamanı bildirib.

Dövlət başçısı qeyd edib ki, Suriya və İraqda vəziyyətin sabitləşməsi qaçqınların geri qayıtmasını sürətləndirəcək.

Türkiyə Prezidenti çıxışında taxıl müqaviləsi ətrafında yaranmış vəziyyətə də toxunub. O, bildirib ki, ölkəsi razılaşmanın uzadılması üçün səylərini davam etdirəcək.

“Taxıl sövdələşməsi məsələsinin həlli Qərb ölkələrinin öz öhdəliklərini yerinə yetirməsindən asılıdır”, - deyə Ərdoğan vurğulayıb.

O, həmçinin rəsmi Ankaranın münaqişənin Qara dəniz hövzəsinə yayılmasının qarşısını almağa imkan verən Montrö Konvensiyasına ciddi şəkildə riayət etdiyini bəyan edib.